సత్తా చాటిన విద్యార్థులు
- విభాగ్ విజ్ఞానమేలలో సత్తా చాటిన శ్రీ విద్యారణ్య ఆవాస విద్యాలయం శ్రీ సరస్వతి శిశు మందిర్ జమ్మికుంట విద్యార్థులు
జమ్మికుంట, సెప్టెంబర్ 9 (విశ్వం న్యూస్):శ్రీ సరస్వతి విద్యాపీఠం తెలంగాణ విభాగ్ గణిత విజ్ఞాన మేళాలో జమ్మికుంట శ్రీ విద్యారణ్య ఆవాస విద్యాలయం విద్యార్థులు 31 మంది పాల్గొని 18 మంది ప్రథమ స్థానాన్ని నలుగురు విద్యార్థులు ద్వితీయ స్థానాన్ని పొందగా, అనుబంధ సంస్థ అయినటువంటి శ్రీ సరస్వతి శిశు మందిర్ ఇంగ్లీష్ మీడియం పాఠశాల విద్యార్థులు ఇద్దరు విద్యార్థులు ప్రథమ స్థానాన్ని, ఏడుగురు విద్యార్థులు ద్వితీయ స్థానాన్ని కైవసం చేసుకోవడం జరిగింది.
ఈ సందర్భంగా సరస్వతి విద్యాపీఠం జిల్లా కార్యదర్శి తెల్ల రాజమౌళి శ్రీ విద్యారణ్య ఆవాస విద్యాలయం ఆచార్య బృందాన్ని, శ్రీ సరస్వతి శిశు మందిర్ ఆచార్య బృందాన్ని, ప్రతిభ చాటిన విద్యార్థులను అభినందించారు.