54 కార్పొరేషన్ల ఛైర్మన్ల నియామకాలు రద్దు
హైదరాబాద్, డిసెంబర్ 10 (విశ్వం న్యూస్) : రాష్ట్రంలో నూతనంగా కాంగ్రెస్‌ ప్రభుత్వం ఏర్పడిన దగ్గర నుంచి సంచలన నిర్ణయాలు తీసుకుంటారు. తాజాగా రాష్ట్రవ్యాప్తంగా పలు కార్పొరేషన్ ఛైర్మన్ల నియామకాలను రద్దు చేసింది. ఈ మేరకు 54 కార్పొరేషన్ ఛైర్మన్‌ నియామకాలు రద్దు చేస్తూ రాష్ట్ర ప్రభుత్వం ఉత్తర్వులు జారీ చేసింది.
టూరిజం డెవలప్‌మెంట్ కార్పొరేషన్ చైర్మన్ గెల్లు శ్రీనివాసయాదవ్, తెలంగాణ సాహిత్య అకాడమీ చైర్మన్ జూలూరి గౌరీశంకర్, మీడియా అకాడమీ చైర్మన్ అల్లం నారాయణ, తెలంగాణ ఫుడ్స్ చైర్మన్ మేడే రాజీవ్ సాగర్, సివిల్ సప్లైస్ కార్పొరేషన్ చైర్మన్ సర్దార్ రవీందర్ సింగ్, వికలాంగుల సహకార అభివృద్ధి కార్పొరేషన్ చైర్మన్ వాసుదేవరెడ్డి, కల్లుగీత సహకార ఫైనాన్స్ కార్పొరేషన్ చైర్మన్ పల్లె రవికుమార్ గౌడ్, గిడ్డంగుల కార్పొరేషన్ చైర్‌పర్సన్ రజని, గొర్రెల అభివృద్ధి ఫెడరేషన్ చైర్మన్ దూదిమెట్ల బాలరాజు యాదవ్, ఇలా మొత్తం 54 మంది పదవులు రద్దయ్యాయి.