ఎమ్మెల్సీగా దాసోజు
శ్రవణ్ ప్రమాణ స్వీకారం
హైదరాబాద్, ఏప్రిల్ 16 (విశ్వం న్యూస్) : బీఆర్ఎస్ నేత దాసోజు శ్రవణ్ బుధవారం ఎమ్మెల్సీగా ప్రమాణం చేశారు. మధ్యాహ్నం 12:30 గంటలకు అసెంబ్లీ ప్రాంగణంలో శాసన మండలి చైర్మన్ గుత్తా సుఖేందర్ రెడ్డి ఆయనతో ప్రమాణ స్వీకారం చేయించారు. శ్రవణ్ ఎమ్మెల్యే కోటా ద్వారా శాసనమండలి సభ్యుడిగా ఎన్నికయ్యారు.
ఈ కార్యక్రమానికి బీఆర్ఎస్ వర్కింగ్ ప్రెసిడెంట్ కేటీఆర్, మండలి ప్రతిపక్ష నేత మధుసూదనాచారి, డిప్యూటీ చైర్మన్ బండా ప్రకాశ్, మాజీ మంత్రులు హరీశ్ రావు, తలసాని శ్రీనివాస్ యాదవ్, సబితా ఇంద్రారెడ్డి, మహమూద్ అలీ, పద్మారావుగౌడ్ తదితరులు హాజరయ్యారు.
ప్రమాణ స్వీకారం అనంతరం శ్రవణ్ రెడ్రోజ్ ఫంక్షన్ హాల్‌లో మీడియాతో మాట్లాడుతూ, “పద్దెనిమిదేళ్ల రాజకీయ ప్రయాణంలో నాకు ఈ రోజు అత్యంత గౌరవాన్నిచ్చింది. ఎమ్మెల్సీగా అవకాశం ఇచ్చిన సీఎం కేసీఆర్ గారికి నా హృదయపూర్వక కృతజ్ఞతలు. ఇది నా రాజకీయ పునర్జన్మ,” అని పేర్కొన్నారు.
కేసీఆర్ మూడోసారి ముఖ్యమంత్రిగా బాధ్యతలు చేపట్టేలా తాను తన ఎమ్మెల్సీ పదవిని ఉపయోగించుకుంటానని ఆయన తెలిపారు. బీఆర్ఎస్ వర్కింగ్ ప్రెసిడెంట్ కేటీఆర్, ఎమ్మెల్సీ కవిత, మాజీ మంత్రి హరీశ్ రావుకు ప్రత్యేక కృతజ్ఞతలు తెలిపారు. కాంగ్రెస్ పార్టీకి వ్యతిరేకంగా పోరాటం చేస్తానని, తన చివరి శ్వాస వరకు తెలంగాణ ప్రయోజనాల కోసమే పనిచేస్తానన్నారు.
శ్రవణ్ చివరగా కేసీఆర్‌కు శిరసు వంచి పాదాభివందనం చేయడమేగాక, తన ప్రమాణ స్వీకార కార్యక్రమానికి హాజరైన ప్రతి ఒక్కరికి కృతజ్ఞతలు తెలిపారు.
- అంత మహాబలుడైన అమ్మవడి పసివాడే !