ఘోర ప్రమాదం.. బస్సు కిందికి
దూసుకుపోయిన ఆటో..
టెన్త్ అమ్మాయి సాత్విక మృతి
హైదరాబాద్, ఆగస్టు 17 (విశ్వం న్యూస్) : హైదరాబాద్‌లో ఉదయాన్నే విషాదకర ఘటన చోటుచేసుకుంది. హబ్సిగూడ ప్రాంతంలో ఘోర ప్రమాదం చోటుచేసుకుంది. తార్నాక నుంచి హబ్సిగూడలోని గౌతమ్ మోడల్ స్కూల్‌కు వెళ్లున్న ఓ ఆటో.. అతివేగంతో వచ్చి ఆర్టీసీ బస్సును ఢీకొట్టింది. ఈ ఘటనలో ఆటో పూర్తిగా బస్సు కిందికి దూసుకుపోయింది. దీంతో… ఆటోలోని డ్రైవర్‌తో పాటు పదో తరగతి విద్యార్థిని తీవ్రంగా గాయపడ్డారు.
తీవ్ర గాయాలై విద్యార్థినిని పోలీసులు నాగోల్‌లోని ప్రైవేట్ హాస్పిటల్‌కి తరలించగా.. చికిత్స పొందుతూ అమ్మాయి మృతి చెందింది. విద్యార్థిని.. గౌతమ్ మోడల్ స్కూల్లో పదో తరగతి చదువుతున్న సాత్వికగా గుర్తించారు. తార్నాక నుంచి హబ్సిగూడలోని పాఠశాలకు వెళ్తున్న సమయంలో ఈ ప్రమాదం చోటుచేసుకుంది.
ఆటో డ్రైవర్ అత్యంత వేగంగా నడపడమే ప్రమాదాన్ని కారణమని పోలీసులు అంచనావేస్తున్నారు. మరోవైపు.. ఆటో డ్రైవర్ మొబైల్‌లో మాట్లాడుతూ డ్రైవింగ్ చేశాడంటూ స్థానికులు చెప్తున్నారు.