మార్చి 15 నుంచి ఇంటర్‌ పరీక్షలు
100 శాతం సిలబస్‌తో ప్రశ్నాపత్రాలు
ఉదయం 9 గంటల నుంచి..
మధ్యాహ్నం 12 గంటల వరకు పరీక్ష
ఫిబ్రవరి 15 నుంచి ప్రాక్టికల్స్‌
షెడ్యూల్‌ను ప్రకటించిన ఇంటర్‌ బోర్డు
హైదరాబాద్ : మార్చి 15వ తేదీ నుంచి ఇంటర్మీడియట్‌ వార్షిక పరీక్షలు ప్రారంభంకానున్నాయి. ఈ మేరకు పరీక్షల షెడ్యూల్‌ను సోమవారం ఇంటర్‌ బోర్డు ప్రకటించింది. సుమారు 20 రోజుల పాటు ఈ పరీక్షలు జరగనున్నాయి. ఇంటర్మీడియట్‌ ప్రధాన పరీక్షలు మార్చి 29వ తేదీతో ముగియనుండగా, బ్రిడ్జి/మోడరన్‌ ల్యాంగ్వేజి/జాగ్రఫీ వంటి పరీక్షలు ఏప్రిల్‌ 4వ తేదీతో పూర్తి కానున్నాయి. ఈ పరీక్షలను ఉదయం 9 గంటల నుంచి మధ్యాహ్నం 12 గంటల వరకు నిర్వహించనున్నారు. ఈ ఏడాది నుంచి 100 శాతం సిలబ్‌సను అమలుపరుస్తున్న విషయం తెలిసిందే. 15వ తేదీ నుంచి మొదలయ్యే ఈ పరీక్షలు మార్చి 2వ తేదీతో ముగియనున్నాయి. ఈ పరీక్షలన్నీ రెండు సెషన్స్‌లో నిర్వహించనున్నారు. మొదటి సెషన్‌ను ఉదయం 9 నుంచి 12 గంటల వరకు, రెండవ సెషన్‌ పరీక్షలను మధ్యాహ్నం 2 నుంచి సాయంత్రం 5 గంటల వరకు నిర్వహించనున్నట్టు అధికారులు ప్రకటించారు. అలాగే మార్చి 4వ తేదీన ఉదయం 10 గంటల నుంచి మద్యాహ్నం 1 గంటల వరకు ఎథిక్స్‌ అండ్‌ హ్యూమన్‌ వ్యాల్యూ పరీక్షలను నిర్వహించనున్నారు. ఎన్విరాన్‌మెంటల్‌ విద్య పరీక్షలను మార్చి 6వ తేదీన ఉదయం 10 నుంచి మధ్యాహ్నం 1 గంటల వరకు నిర్వహిస్తారు.
ఇంటర్‌ ఫస్ట్‌ ఇయర్‌ వార్షిక పరీక్షల వివరాలు..
పరీక్ష పేరు తేదీ
సెకండ్‌ ల్యాంగ్వేజి పేపర్‌-1 15-03-2023
ఇంగ్లిష్‌ పేపర్‌-1 17-03-2023
మ్యాథ్స్‌(ఏ)/బాటని/పొలిటికల్‌ సైన్స్‌ 20-03-2023
మ్యాథ్స్‌ (బి)/జంతుశాస్త్రం/చరిత్ర 23-03-2023
ఫిజిక్స్‌/ఎకనామిక్స్‌ 25-03-2023
కెమిస్ట్రీ/కామర్స్‌ 28-03-2023
పబ్లిక్‌ అడ్మినిస్ర్టేషన్‌/బ్రిడ్జికోర్సు మ్యాథ్స్‌ 31-03-2023
మోడరన్‌ ల్యాంగ్వేజి/జాగ్రఫీ 3-04-2023
ఇంటర్‌ సెకండ్‌ ఇయర్‌ వార్షిక పరీక్షల వివరాలు
పరీక్ష పేరు తేదీ
సెకండ్‌ ల్యాంగ్వేజి పేపర్‌-1 16-03-2023
ఇంగ్లిష్‌ పేపర్‌-1 18-03-2023
మ్యాథ్స్‌(ఏ)/బాటని/పొలిటికల్‌ సైన్స్‌ 21-03-2023
మ్యాథ్స్‌ (బి)/జంతుశాస్త్రం/చరిత్ర 24-03-2023
ఫిజిక్స్‌/ఎకనామిక్స్‌ 27-03-2023
కెమిస్ట్రీ/కామర్స్‌ 29-03-2023
పబ్లిక్‌ అడ్మినిస్ర్టేషన్‌/బ్రిడ్జికోర్సు మ్యాథ్స్‌ 1-04-2023
మోడరన్‌ ల్యాంగ్వేజి/జాగ్రఫీ 4-04-2023