కౌశిక్ రెడ్డి తీరుతో పార్టీ
పతనమే:తుమ్మేటి సమ్మిరెడ్డి
- అసంతృప్తితో కొట్టుమిట్టాడుతున్న హుజురాబాద్ బీఆర్ఎస్ నాయకులు
- కేటీఆర్ కు లేఖ రాసిన తుమ్మేటి సమ్మిరెడ్డి
జమ్మికుంట, జూలై 6 (విశ్వం న్యూస్) : హుజురాబాద్ నియోజకవర్గం జమ్మికుంట మాజీ మార్కెట్ కమిటీ చైర్మన్ తుమ్మేటి సమ్మిరెడ్డి తన నివాసంలో ఏర్పాటు చేసిన విలేకరుల సమావేశంలో మాట్లాడుతూ నియోజకవర్గంలోని బీఆర్ఎస్ నాయకులు అంతా అసంతృప్తితో కొట్టుమిట్టాడుతున్నారని అన్నారు.
హుజురాబాద్ నియోజకవర్గ ఇన్చార్జిలు నాయకులకు తగిన ప్రాధాన్యం ఇవ్వకపోవడం ఇందుకు కారణం అన్నారు. నియోజకవర్గంలో నాలుగు బిసి, ఎస్సీ చైర్మన్ పదవులు, ఎమ్మెల్సీ ఇచ్చినప్పటికీ 2000 కోట్లతో 20వేల దళిత కుటుంబాలకు దళిత బంధు పైలెట్ ప్రాజెక్టు రూపంలో అందజేసినప్పటికీ పార్టీకి మనగడ లేకుండా పోయిందన్నారు.
ప్రజలు అసంతృప్తితో ఉన్నారని ఇప్పటికైనా పార్టీ సమగ్ర సమాచారం తెప్పించుకొని తగుచర్యలు తీసుకోనట్లయితే నాయకులు ఎవరి దారి వారు చూసుకునే పరిస్థితి ఉందని అన్నారు.
