- కుషాయిగూడ పరిధిలో ఆదివారం తెల్లవారుజామున భారీ అగ్నిప్రమాదం జరిగింది. టింబర్‌ డిపోలో మంటలు అంటుకుని నలుగురు సజీవదహనం అయ్యారు
హైదరాబాద్, ఏప్రిల్ 16 (విశ్వం న్యూస్) : హైదరాబాద్ కుషాయిగూడలో జ‌రిగిన అగ్నిప్రమాదంలో చిన్నారి సహా దంపతులు సజీవ దహనమయ్యారు. సూర్యాపేట జిల్లా మద్దిరాల మండలం రెడ్డిగూడెం గ్రామానికి చెందిన దంపతులు రేట్ నేని నరేష్ (35) సుమ (28 ) చిన్న కుమారుడు జోషిత్ ( 5) మంటల్లో చిక్కుకొని మృతి చెందారు. దీనితో ఒకే కుటుంబానికి చెందినవారు కావడంతో ఒక్కసారిగా గ్రామంలో విషాద ఛాయలు అలుముకున్నాయి.
వీరితో పాటు మరో కార్మికుడు మంటల్లో చిక్కుకొని మృతి చెందినట్లు గుర్తించారు. ఈ ప్రమాదంలో నాలుగు షాపులు పూర్తిగా దగ్ధమయ్యాయి. భారీగా ఆస్తి నష్టం వాటిల్లింది.