శ్రీ GAK కృష్ణ గారి సన్మాన
కార్యక్రమం ఘనంగా నిర్వహణ
హైదరాబాద్, ఫిబ్రవరి 1 (విశ్వం న్యూస్) : శుక్రవారం నాడు దేవాదాయ శాఖ ఎగ్జిక్యూటివ్ ఆఫీసర్ శ్రీ కృష్ణ గారు పదవీ విరమణ చేసిన సందర్భంగా, వారిని PR నగర్ దేవాలయంలో మోతీ నగర్ శ్రీ ప్రసన్నాంజనేయ స్వామి దేవాలయం ఆలయ కమిటీ అధ్యక్షుడు డా. గూడూరి చెన్నారెడ్డి గారు ఘనంగా సన్మానించారు.
ఈ సందర్భంగా చెన్నారెడ్డి గారు మాట్లాడుతూ, శ్రీ GAK కృష్ణ గారు దేవాలయాల్లో నిజాయితీ, నిష్పక్షపాతంగా విధులు ఘనంగా నిర్వర్తిస్తున్న, కొద్ది మంది కార్యనిర్వహణాధికారుల్లో ఒకరు అని పేర్కొన్నారు. వారి హయాంలో ఆలయ అభివృద్ధికి కీలకమైన మార్పులు జరిగాయని, మానవతా విలువలు, సంప్రదాయాలు మరింతగా స్థిరపడటానికి వారు ఎంతో కృషి చేశారని ప్రశంసించారు. అదేవిధంగా, శ్రీ GAK కృష్ణ గారు మృదుస్వభావి, నిస్వార్థ సేవా మనస్కులు, భగవంతుని యెడల అపారమైన భక్తి కలిగిన వ్యక్తి అని కొనియాడారు.
తద్వారా, ఆలయ సొమ్మును సద్వినియోగం చేస్తూ ధర్మ పరిరక్షణకు పాటుపడిన మహానీయుడిగా ఆయనను ప్రశంసించారు. రిటైర్మెంట్ తర్వాత కూడా హిందూ సమాజానికి ఆయన సేవలు ఎంతో అవసరం అని తెలియజేశారు. ఈ సందర్భంగా శ్రీ GAK కృష్ణ గారిని కరతాల ధ్వనుల మధ్య శాలువాలతో సత్కరించారు.
కార్యక్రమంలో పాల్గొన్న ప్రముఖులు: శ్రీ పి.ఆర్. నగర్ ఆలయ చైర్మన్ శ్రీ సత్యనారాయణ గారు, శ్రీ కె. హెచ్. ఎస్. శర్మ, శ్రీ జి. మహేందర్ రెడ్డి, శ్రీమతి కె. శ్రీలత, శ్రీమతి శోభారాజన్, శ్రీ టీ. నాగరాజ్, పి.ఆర్. నగర్ ప్రెసిడెంట్ శ్రీ ఇందర్ సింగ్, శ్రీ పిట్ల మనోహర్, ఆలయ అర్చకులు (నిత్య దీప, ధూప, నైవేద్య సమర్పణలో పాల్గొనే బ్రాహ్మణులు), బస్తీ వాసులు పాల్గొన్నారు. ఈ కార్యక్రమం ఎంతో ఆధ్యాత్మిక, భక్తిపరంగా నిర్వహించబడింది. శ్రీ కృష్ణ గారి విశేషమైన సేవలను గుర్తిస్తూ అందరూ హర్షం వ్యక్తం చేశారు.