వీణవంక: సీసీ రోడ్డు
రోడ్డు పనులు ప్రారంభం
- ప్రభుత్వ విప్ ఎమ్మెల్సీ పాడి కౌశిక్ రెడ్డి సహకారంతో… 89 లక్షల నిధులతో సీసీ రోడ్ పనులు ప్రారంభించిన సర్పంచ్ నీల కుమార స్వామి
వీణవంక, జూన్ 14 (విశ్వం న్యూస్) : వీణవంక గ్రామంలో సీసీ రోడ్డు అభివృద్ధి పనులను కొబ్బరికాయ కొట్టి సర్పంచ్ నీల కుమార స్వామి, పాలక వర్గం ప్రారంభించారు. ప్రభుత్వ విప్ ఎమ్మెల్సీ పాడి కౌశిక్ రెడ్డి సహకారంతో వీణవంక గ్రామం నుండి రామకృష్ణాపూర్ బ్రిడ్జ్ వరకు రూ.89 లక్షల నిధులతో పనులు చేపట్టడం జరుగుతుందన్నారు. 700 మీటర్ల తార్ రోడ్ 1200 మీటర్ల సిసి రోడ్ పనులను పూర్తి చేయడం జరుగుతుంది.
ఎమ్మెల్సీ పాడి కౌశిక్ రెడ్డి గతంలో ఇచ్చిన మాట ప్రకారం తన సొంత గ్రామాన్ని అభివృద్ధి చేయడం జరుగుతుంది. గ్రామాన్ని అన్ని విధాలా అభివృద్ధి చేయడం జరుగుతుందని పేర్కొన్నారు. ఈ రెండు గ్రామాల ప్రజలు రోడ్డు పనులు జరుగుతున్నందున సహకరించాలని సర్పంచ్ ప్రజలను కోరారు.
ఈ కార్యక్రమంలో సర్పంచ్ నీల కుమారస్వామి, ఉప సర్పంచ్ వోరం భానుచందర్, వార్డ్ మెంబర్లు మహేష్ గౌడ్, నీల లక్ష్మీ మొండయ్య, సజ్జు, గెల్లు కుమార్, మోటం రాజు, గొడుగు రాజు, దాసారపు కృష్ణ చైతన్య, వోరెం మధు, ఇషాక్, అధికారుల ఏ ఈ రాంబాబు తదితరులు పాల్గొన్నారు.