కౌశిక్ రెడ్డి టికెట్ కేటాయింపుకు
మద్దతుగా బీఆర్ఎస్
నాయకుల సంబరాలు
హుజురాబాద్, ఆగస్టు 21 (విశ్వం న్యూస్) : హుజురాబాద్ నియోజకవర్గం హుజురాబాద్, జమ్మికుంట, వీణవంక, ఇల్లందకుంట, మండల కేంద్రాలలో హుజురాబాద్ నియోజకవర్గం బిఆర్ఎస్ టికెట్ పాడి కౌశిక్ రెడ్డికి కేటాయించినందుకుగాను హుజురాబాద్ నియోజకవర్గం పరిధిలో బిఆర్ఎస్ పార్టీ శ్రేణు లు ఆనంద ఉత్సవాలు జరుపుకున్నారు. ఈ సందర్భాన్ని పురస్కరించుకొని జమ్మికుంట పట్టణంలోని గాంధీ చౌరస్తా వద్ద బాణసంచా పేల్చి సంబరాలు నిర్వహించారు.
ఈ కార్యక్రమంలో బిఆర్ఎస్ పార్టీ నాయకులు పిఎసిఎస్ చైర్మన్ పొన్నగంటి సంపత్, జడ్పిటిసి శ్రీరామ్ శ్యామ్, పట్టణ టిఆర్ఎస్ ప్రెసిడెంట్ టంగుటూరి రాజకుమార్, మాజీ మున్సిపల్ చైర్మన్ పోడేటి రామస్వామి, మాజీ మార్కెట్ చైర్మన్ సత్యనారాయణరావు, కౌన్సిలర్లు పొన్నగంటి రాము, మద్ది లావణ్య, బొంగోని వీరన్న, దేశిని సదానందం, టిఆర్ఎస్ నాయకులు కార్యకర్తలు అధిక సంఖ్యలో పాల్గొన్నారు.
ఈ సందర్భంగా నాయకులు మాట్లాడుతూ యువ నాయకుడు కౌశిక్ రెడ్డిని గెలుపుకించుకున్నట్లయితే రాబోయే క్యాబినెట్లో కౌశిక్ రెడ్డికి మంత్రి పదవి ఇచ్చే అవకాశాలు ఉన్నాయని ఈ అవకాశాన్ని హుజురాబాద్ నియోజకవర్గ ప్రజలందరూ వినియోగించుకొని నియోజకవర్గ అభివృద్ధికి మన వంతుగా కౌశిక్ రెడ్డిని గెలిపించుకోవాలన్నారు.
వీణవంక మండల కేంద్రంలో జడ్పిటిసి ముసిపట్ల రేణుక తిరుపతిరెడ్డి, ఆధ్వర్యంలో అధిక సంఖ్యలో టిఆర్ఎస్ నాయకులు కార్యకర్తలు వీణవంక బస్టాండ్ ఆవరణలో బాణసంచా పేల్చి సంబరాలు జరుపుకున్నారు. హుజురాబాద్ పట్టణ కేంద్రంలో టిఆర్ఎస్ యూత్ ఇంచార్జ్ శివకృష్ణ, ఎంపీటీసీ ముకుంద రెడ్డి, కౌన్సిలర్లు ప్రతాప తిరుమల్ రెడ్డి, ముత్యం రాజు, కుమార్, నాయకులు శ్రీనివాస్ రెడ్డి, గంటా మధుకర్, రవికాంత్ ,తునికి రమేష్, పాల్గొని కేక్ కట్ చేసి ఆనంద సంబరాలు నిర్వహించారు.