హైదరాబాద్, ఏప్రిల్ 16 (విశ్వం న్యూస్): తెలంగాణ రాష్ట్ర ఏర్పాటును దేశ విభజనతో పోల్చిన బీజేపీ ఎంపీ Tejasvi Surya వ్యాఖ్యలపై ఎమ్మెల్సీ డాక్టర్ Dasoju Sravan తీవ్ర ఆగ్రహం వ్యక్తం చేశారు. ఈ వ్యాఖ్యలు రాజ్యాంగ విరుద్ధమని, తెలంగాణ ప్రజల ఆత్మగౌరవాన్ని దెబ్బతీసే విధంగా ఉన్నాయని ఆయన పేర్కొన్నారు.
తెలంగాణ రాష్ట్రం ఏర్పాటైంది Article 3 of the Constitution of India ప్రకారం పార్లమెంటు ఉభయ సభలు ఆమోదించిన చట్టబద్ధ ప్రక్రియ ద్వారా జరిగిందని దాసోజు గుర్తుచేశారు. అలాంటి పవిత్రమైన రాజ్యాంగ ప్రక్రియను మత ప్రాతిపదికన జరిగిన దేశ విభజనతో పోల్చడం పార్లమెంటరీ వ్యవస్థను అవమానించడమేనని ఆయన విమర్శించారు.
తెలంగాణను పాకిస్థాన్తో పోల్చడం వెనుక ఉన్న ఆలోచనపై కూడా ఆయన ప్రశ్నలు లేవనెత్తారు. ఇలాంటి వ్యాఖ్యలు ప్రాంతీయ భావోద్వేగాలను రెచ్చగొట్టడమే కాకుండా ప్రజల మనోభావాలను గాయపరుస్తాయని పేర్కొన్నారు. తెలంగాణ రాష్ట్ర సాధన అనేది దశాబ్దాల పోరాటం, విద్యార్థుల త్యాగాల ఫలితమని, అలాంటి చరిత్రను దేశ విభజనతో పోల్చడం అమరవీరుల త్యాగాలను అవమానించడమేనని ఆయన అన్నారు.
తెలంగాణకు చెందిన ఎంపీలు ఈ అంశంపై మౌనం పాటించడం సిగ్గుచేటని దాసోజు విమర్శించారు. ప్రజల ఓట్లతో గెలిచిన వారు ప్రాంత గౌరవాన్ని కాపాడాల్సిన బాధ్యత ఉందని గుర్తుచేశారు.
ఇలాంటి రాజ్యాంగ వ్యతిరేక వ్యాఖ్యలు చేసినందుకు Lok Sabha నుండి తేజస్వీ సూర్యను వెంటనే సస్పెండ్ చేయాలని, అలాగే Bharatiya Nyaya Sanhita మరియు BNSS చట్టాల కింద కేసు నమోదు చేసి కఠిన చర్యలు తీసుకోవాలని ఆయన డిమాండ్ చేశారు.
తన వ్యాఖ్యలను వెంటనే వెనక్కి తీసుకుని తెలంగాణ ప్రజలకు బహిరంగ క్షమాపణ చెప్పాలని, లేనిపక్షంలో ప్రజల నుంచి తీవ్ర వ్యతిరేకతను ఎదుర్కోవాల్సి ఉంటుందని దాసోజు హెచ్చరించారు. తెలంగాణ చరిత్రను రాజకీయ ప్రయోజనాల కోసం వక్రీకరించే ప్రయత్నాలను ఎట్టి పరిస్థితుల్లోనూ సహించబోమని ఆయన స్పష్టం చేశారు.