హోలీ సంబరాల్లో మండల ప్రజలు
గోవిందరావుపేట, మార్చి 7 (విశ్వం న్యూస్) : మండల వ్యాప్తంగా హోలీ పండుగను యువకులు విద్యార్థులు మహిళలు పెద్ద ఎత్తున జరుపుకున్నారు. ఈ సందర్భంగా మంగళవారం రోడ్లపైకి యువత రంగులను గుప్పుకొని సంబరాలు జరుపుకున్నారు. మండలంలోని వివిధ శాఖల అధికారులు హోలీ సంబరాల్లో పాల్గొన్నారు. మహిళలు సైతం హోలీ సంబరాల్లో పాల్గొని కేరింతలు కేరింతలు కొడుతూ ఓలిలారంగా హోలీ సమ్మ కేలిల రంగ హోలీ అంటూ ఆటపాటలతో హోలీ పండుగను కులమతాలకతీతంగా ఘనంగా నిర్వహించుకున్నారు. ప్రతి ఒక్కరూ స్నేహ సౌబ్రాహ్తృత్వంతో రంగులు గుప్పుకొని హోలీ పండుగలో పాల్గొన్నారు. మండల వ్యాప్తంగా హోలీ పండుగ సంబరాలు ఘనంగా ప్రజలు జరుపుకున్నారు.
