పీర్జాదిగూడ:పీ అండ్ టీ కాలనీలో
శ్రీ రేణుక ఎల్లమ్మ దేవాలయంలో
ఘనంగా బోనాల ఉత్సవాలు
- ప్రత్యేక పూజలు నిర్వహించిన మేయర్ జక్కా,
కార్పొరేటర్ ప్రసన్న లక్ష్మీ శ్రీధర్ రెడ్డి
పీర్జాదిగూడ, జూలై 17 (విశ్వం న్యూస్) : పీర్జాదిగూడ మున్సిపల్ కార్పొరేషన్ పరిధిలోని 13వ డివిజన్ కార్పొరేటర్ తూముకుంట్ల ప్రసన్నలక్ష్మి శ్రీధర్ రెడ్డిల ఆధ్వర్యంలో పీ అండ్ టీ కాలనీ శ్రీశ్రీశ్రీ రేణుక ఎల్లమ్మ తల్లి దేవాలయంలో కనివిని ఎరుగని రీతిలో బోనాల పండుగ సంబరాలు జరుపుకున్నారు.
ఈ మేరకు మేయర్ జక్క వెంకట్ రెడ్డి, స్థానిక కార్పొరేటర్ ప్రసన్న లక్ష్మీ శ్రీధర్ రెడ్డిలు అమ్మవారికి బంగారు భవనాన్ని సమర్పించి, ప్రత్యేక పూజలు నిర్వహించి తమ మొక్కును తీర్చుకున్నారు. ఈ సందర్భంగా వారు మాట్లాడుతూ బంగారు తెలంగాణ రాష్ట్రంలో బంగారు బోనాలు పురస్కరించుకొని ప్రజలందరూ సుఖ సంతోషాలతో, చిరునవ్వుతో విరజిల్లాలని ప్రత్యేకించి అమ్మవారిని కోరుకున్నట్లు తెలియజేశారు.
అదేవిధంగా 13వ డివిజన్ పిఎన్టి కాలనీ తదితర కాలనీలా ప్రజలందరూ ఉత్సాహంగా బోనాలతో ముందుకు వచ్చి అమ్మవారికి బోనం సమర్పించి కొలహలంగా బోనాల సంబరాలు జరుపుకున్నారని, ప్రతి ఒక్కరికి బంగారు బోనాల శుభాకాంక్షలు తెలియజేశారు. ఈ కార్యక్రమంలో 13వ డివిజన్ నాయకులు, ప్రజలు, పీ అండ్ టీ కాలనీ నాయకులు, ప్రజలు, పలు పార్టీల నేతలు, బీఆర్ఎస్ పార్టీ కార్యకర్తలు, నాయకులు తదితరులు హాజరయ్యారు.