గాజులరామారంలో కారు బీభత్సం (సీసీ కెమెరాల్లో దృశ్యాలు

గాజులరామారంలో కారు బీభత్సం
(సీసీ కెమెరాల్లో దృశ్యాలు

• రోడ్డుపై నడుచుకుంటూ వెళుతున్న వ్యక్తిని ఢీకొట్టిన కారు
• సీసీ కెమెరాల్లో రికార్డు అయిన ప్రమాద దృశ్యాలు
• మద్యం మత్తు, అతివేగమే ప్రమాదానికి కారణమని తెలుస్తుంది

హైదరాబాద్, ఆగస్టు 11 (విశ్వం న్యూస్) : మేడ్చల్‌ జిల్లా గాజులరామారంలో కారు బీభత్సం సృష్టించింది. అతివేగంగా దూసుకొచ్చి రోడ్డుపై వెళ్తున్న ఓ వ్యక్తిని కారు ఢీకొట్టింది. అక్కడికక్కడే మృతి చెందిన సెక్యూరిటీ గార్డ్ గోపి (38).. కారు ఢీకొట్టడంతో 40 మీటర్ల దూరం ఎగిరిపడ్డాడు మృతుడు.

అయితే.. మద్యం మత్తులో కారు నడిపినట్టు స్థానికులు ఆరోపిస్తుున్నారు. సీసీ కెమెరాల్లో ప్రమాద దృశ్యాలు రికార్డు కాగా.. ఘటనాస్థలానికి చేరుకున్న పోలీసులు.. కేసు నమోదు చేసుకొని దర్యాప్తు చేస్తున్నారు.

ప్రమాదం తర్వాత కారులోంచి దిగిన ఆరుగురు యువకులు కారును తీసుకెళ్లేందుకు యత్నించగా స్థానికులు అడ్డుకున్నారు. ఘటనపై పోలీసులకు ఫిర్యాదు చేశారు. వెంటనే రంగంలోకి దిగిన అధికారులు కేసు నమోదు చేసి దర్యాప్తు చేపట్టారు. ఈ ఘటన దృశ్యాలు సీసీ కెమెరాల్లో రికార్డు అయ్యాయి. మృతుడు సెక్యూరిటీ గార్డు గోపిగా గుర్తించారు.