డా.రసమయి సారధ్యంలో ముఖ్యమంత్రి కేసీఆర్ జన్మదిన వేడుకలు
మెగా రక్తదాన శిబిరాన్ని ప్రారంభించిన రసమయి
తిమ్మాపూర్, పిబ్రవరి 17 (విశ్వం న్యూస్) : రాష్ట్ర సాంస్కృతిక సారథి చైర్మెన్, మానకొండూర్ శాసనసభ్యులు డా.రసమయి బాలకిషన్ సారధ్యంలో శుక్రవారం మానకొండూరు నియోజకవర్గ వ్యాప్తంగా ముఖ్యమంత్రి కేసీఆర్ జన్మదిన వేడుకలు కన్నుల పండువగా ఘనంగా నిర్వహించారు. ఈ సందర్భంగా ఎమ్మెల్యే క్యాంపు కార్యాలయంలో ఏర్పాటు చేసిన మెగా రక్తదాన శిభిరాన్ని ఎమ్మెల్యే రసమయి ప్రారం భించి, కేక్ కట్ చేశారు.
ఈ శిభిరానికి మానకొండూర్ నియోజకవర్గంలోని ప్రజాప్రతినిధులు, బీఆర్ఎస్ పార్టీ నాయకులు, కార్యకర్తలు భారీగా తరలివచ్చి రక్తాదానం చేసి, కేసీఆర్ పట్ల ఉన్న తమ అభిమానా న్ని చాటుకున్నారు. అనంతరం మహాత్మానగర్ గ్రామంలోని మానసిక వికలాంగుల పాఠశాలలో విద్యార్థులతో కలిసి కేక్ కట్ చేసి, అన్నదాన కార్యక్రమాన్ని ప్రారంభించారు. ఈ కార్యక్రమంలో రాజన్న సిరిసిల్ల జిల్లా జడ్పీ వైస్ చైర్మన్ సిద్ధం వేణు, బిఆర్ఎస్ నాయకులు కేతిరెడ్డి దేవేందర్ రెడ్డి, తిమ్మాపూర్ మండలం బిఆర్ఎస్ పార్టీ అధ్యక్షులు రావుల రమేష్ తో పాటు ఎంపీపీలు, జడ్పీటీసీలు, సర్పంచులు, ఎంపీటీసీలు, పార్టీ శ్రేణులు, కార్య కర్తలు, అభిమానులు, తదితరులు పాల్గొన్నారు.
