ఆయు గేటెడ్ కమ్యూనిటీ, అల్వాల్లో ఘనంగా గణపతి నవరాత్రులు
హైదరాబాద్, సెప్టెంబర్ 12 (విశ్వం న్యూస్) : రాష్ట్రవ్యాప్తంగా గణేశ్ నవరాత్రి వేడుకల సందడి కొనసాగుతోంది. గణపతి బప్పా మోరియా నామస్మరణతో ఊరూవాడా మారుమోగుతున్నాయి. రంగురంగుల విద్యుత్‌ కాంతులతో అందంగా అలంకరించిన మండపాల్లో కొలువుదీరిన గణనాథులు, విశేష పూజలందుకుంటున్నారు.
చిన్నా, పెద్దా అనే తేడా లేకుండా అందరూ ఈ ఉత్సవాల్లో ఉత్సాహంగా పాల్గొంటున్నారు. ఈ సందర్భంగా అందరూ సంప్రదాయ దుస్తులు ధరించి వినాయకుడికి ఘనంగా పూజలు నిర్వహించారు. నవరాత్రి వేడుకలు భక్తి శ్రద్ధలతో నిర్వహిస్తుండటంతో మండపాలన్నీ ఆధ్యాత్మిక శోభతో అలరారుతున్నాయి.
ఆయు గేటెడ్ కమ్యూనిటీ అల్వాల్లో ఘనంగా గణపతి నవరాత్రులు వేడుకలు నిర్వహించారు. ఈ కార్యక్రమములో గంటి ఆదిత్య దంపతులు మరియు అపార్ట్ మెంట్ వాసులు, భక్తులు తదితరులు పాల్గొన్నారు.