ఘనంగా ధ్వజస్తంభ పూజలు
హైదరాబాద్, డిసెంబర్ 07 (విశ్వం న్యూస్): హైమావతి నగర్ శ్రీ ప్రసన్నాంజనేయ స్వామి దేవాలయ ప్రాంగణంలో గల శివాలయం దేవస్థానంలో గురువారం ధ్వజస్తంభ పూజలు మహోత్సవం ఘనంగా జరిగింది. మొదటిరోజు శ్రీ చింతపల్లి వంశీ మోహన్ రెడ్డి, శోభారాణి కుటుంబ సభ్యులు, టెంపుల్ కమిటీ సహకారంతో ఘనంగా పూజలు నిర్వహించారు.
వేద మంత్రాల నడుమ ప్రతిష్ఠాపనా కార్యక్రమాలను ఆలయ ఉత్సవ కమిటీ దిగ్విజయంగా నిర్వహించింది. దీనికి ముందు ప్రత్యేక పూజలను ఆలయ అర్చకులు, వేద పండితులు భక్తిశ్రద్ధలతో కార్యక్రమాన్ని విజయవంతంగా పూర్తి చేశారు. ఈ కార్యక్రమములో కమిటీ ప్రెసిడెంట్ డాక్టర్ గూడూరి చెన్నారెడ్డి, బి.కె విజయలక్ష్మి, జి. శ్రీనివాస్, డి.రవి గౌడ్, డి. శ్రీరాములు, వై.రాములు, శివకుమార్, బి నరసింగరావు, పెద్ద నర్సింగరావు తదితరులు పాల్గొన్నారు.
శుక్రవారం (08.12.2023) ఉదయం 9.25ని.లకు ధ్వజస్తంభ ప్రతిష్ట జరుపబడుతుందని, అందుకు భక్తులు అధిక సంఖ్యలో పాల్గొని విజయవంతం చేస్తారని ఆశిస్తున్నట్లు టెంపుల్ కమిటీ తెలిపింది.
