ఘనంగా కార్తీక దీపోత్సవం
హైదరాబాద్, నవంబర్ 11 (విశ్వం న్యూస్): కార్తీక సోమవారాన్ని పురస్కరించుకుని మోతి నగర్ శివాలయంలో నిర్వహించిన కార్తీక దీపోత్సవం కార్యక్రమం వైభవంగా జరిగింది. ఈ కార్యక్రమం శ్రీ.చింతపల్లి వంశీ మోహన్ రెడ్డి, DSP, మరియు శ్రీమతి చింతపల్లి శోభా రెడ్డి గార్ల ఆధ్వర్యంలో నిర్వహించబడింది. ముఖ్య అతిథిగా శ్రీ లంకాల దీపక్ రెడ్డి, BJP రాష్ట్ర నాయకులు పాల్గొన్నారు.
ఈ వేడుకలో డాక్టర్ గూడూరి చెన్నారెడ్డి, IPC రాష్ట్ర అధ్యక్షుడు మరియు టెంపుల్ కమిటీ అధ్యక్షులు గుడికి వచ్చిన ముఖ్య అతిథులను సాదరంగా ఆహ్వానించి, వారి చేత పూజా కార్యక్రమాలు నిర్వహించారు. ఈ సందర్భంలో, మోతి నగర్ ప్రాంతంలో గల గుడుల అభివృద్ధి కోసం స్థానికులు మరియు దైవభక్తులు తమ శక్తిని పెట్టి ఈ కృషిలో భాగస్వామ్యులు కావాలని, ఆ ద్వారా హిందూ సంప్రదాయాలను కాపాడవచ్చని అన్నారు.
భక్తులు, కమిటీ సభ్యులు మరియు స్థానిక ప్రజలతో కలిసి రంగ రంగుల “కార్తీక దీపం” కార్యక్రమం అశేష భక్తుల మధ్య ఘనంగా జరగడం జరిగింది. ఇందులో రాజేష్, సాయి శ్రీకాంత్, మనోహర్, కె. నాగరాజు వంటి భక్తులు, అలాగే కమిటీ సభ్యులు బి.కె. జి. విజయలక్ష్మి, శ్రీ.జి. శ్రీధర్ రెడ్డి, డి. రవి గౌడ్, శ్రీ. సాయి కనిష్క, K. శ్రీలత మరియు ఇతరులు పాల్గొన్నారు.
ఈ కార్యక్రమం మోతి నగర్ లో మానవీయ సమూహాలకు ఒక సాంస్కృతిక అవగాహన కల్పించడమే కాకుండా, స్థానిక దేవాలయాల అభివృద్ధికి మరింత కృషి చేయాలని అవగాహన పెంచింది.