కళాతపస్వి కె.విశ్వనాథ్ కన్నుమూత
హైదరాబాద్, ఫిబ్రవరి 3 (విశ్వం న్యూస్) : తెలుగు సినీ పరిశ్రమలో తీవ్ర విషాదం చోటు చేసుకుంది. ప్రముఖ దర్శకులు, కళాతపస్వి, దాదాసాహెబ్‌ఫాల్కే అవార్డు గ్రహీత కె.విశ్వనాథ్ (92) కన్నుమూశారు. హైదరాబాద్‌లోని అపోలో ఆస్పత్రిలో చికిత్స పొందుతూ గురువారం రాత్రి ఆయన తుదిశ్వాస విడిచారు. కొద్ది రోజులుగా అనారోగ్య సమస్యలతో కె.విశ్వనాథ్ బాధపడుతున్నారు. ఈ క్రమంలో హైదరాబాద్‌లోని అపోలో ఆస్పత్రిలో చేరారు. అయితే, గురువారం అర్ధరాత్రి సమయంలో కె.విశ్వనాథ్ కన్నుమూసినట్లు వైద్యులు ప్రకటించారు. 1930 ఫిబ్రవరి 19న కాశీనాధుని సుబ్రహ్మణ్యం, సరస్వత్మ దంపతులకు విశ్వనాథ్ జన్మించారు. కె.విశ్వనాథ్‌కు ఇద్దరు కుమారులు, ఒక కూతురు ఉన్నారు.