చిరంజీవి చేతుల మీదుగా నితిన్, రష్మిక సినిమా ప్రారంభోత్సవం
హైదరాబాద్, మార్చి 24 (విశ్వం న్యూస్) : నితిన్, రష్మిక, వెంకీ కుడుముల ఈ కాంబినేషన్ ‘భీష్మ’ సినిమాతో మ్యాజిక్ చేసింది. ఆ మ్యాజిక్ మళ్లీ రిపీట్ కాబోతోంది. ఈసారి ఈ కాంబోను అందిస్తోంది మైత్రీ మూవీ మేకర్స్ సంస్థ.
ఈ క్రేజ్ ప్రాజెక్ట్‌ను ఈరోజు మెగాస్టార్ చిరంజీవి చేతుల మీదుగా ప్రారంభించారు. హైదరాబాద్‌లోని మైత్రీ మూవీ మేకర్స్ ఆఫీసులో జరిగిన చిత్ర ప్రారంభోత్సవ వేడుకకు చిరంజీవి ముఖ్య అతిథిగా విచ్చేశారు.
హీరోహీరోయిన్లు నితిన్, రష్మిక మందనపై చిత్రీకరించిన ముహూర్తపు సన్నివేశానికి మెగాస్టార్ చిరంజీవి క్లాప్ ఇవ్వగా డైరెక్టర్ బాబీ కెమెరా స్విచ్ ఆన్ చేశారు. దర్శకుడు గోపీచంద్ ఫస్ట్ షాట్‌కు దర్శకత్వం వహించారు. ఇక దర్శకులు హను రాఘవపూడి, బుచ్చిబాబు సానా స్క్రిప్ట్‌ను చిత్ర యూనిట్‌కు అందజేశారు.
