చంద్రబాబుతో పవన్ కళ్యాణ్ భేటీ
హైదరాబాద్, ఏప్రిల్ 29 (విశ్వం న్యూస్) : జనసేన అధ్యక్షులు శ్రీ పవన్ కళ్యాణ్ తెలుగు దేశం పార్టీ జాతీయ అధ్యక్షులు శ్రీ చంద్రబాబు నాయుడుతో భేటీ అయ్యారు. కొద్దిసేపటి క్రితమే ఈ సమావేశం మొదలైంది. హైదరాబాద్ లోని శ్రీ చంద్రబాబు గారి నివాసంలో ఈ సమావేశం కొనసాగుతోంది.
ఆంధ్రప్రదేశ్‌లోని పరిస్థితులు, ప్రజా సమస్యలపై వీరిద్దరూ చర్చించారని సమాచారం. గతంలో ఈ ఇద్దరు నేతలు రెండుసార్లు కలుసుకోగా.. పాత మిత్రుల మధ్య ఇది మూడో భేటీ కావడం గమనార్హం.
వచ్చే ఏడాది ఏపీ అసెంబ్లీ ఎన్నికలు ఉండనుండటం.. ప్రభుత్వ వ్యతిరేక ఓటు చీలనివ్వబోనని జనసేనాని ఇదివరకే ప్రకటించిన నేపథ్యంలో.. పొత్తుల విషయమై చంద్రబాబు, పవన్ మధ్య చర్చ జరిగి ఉండొచ్చని భావిస్తున్నారు.
