హైదరాబాద్, జూలై 20 (విశ్వం న్యూస్): తానే నియమించిన మంత్రులపై నిఘా పెట్టే ముఖ్యమంత్రిని ప్రజాస్వామ్యం ఎలా అంగీకరిస్తుంది? రాజకీయ ప్రత్యర్థుల గోప్యమైన సంభాషణలను రహస్యంగా వినడం, ప్రజల వ్యక్తిగత సమాచారాన్ని జాలం వేసినట్లుగా పర్యవేక్షించడం… ఇవన్నీ గడచిన శతాబ్దపు గూఢచారి పాలనలను తలపిస్తున్నాయి. స్టాసీ, గెస్టాపో లాంటి నియంతల పాలనల మాదిరిగానే, తెలంగాణ ముఖ్యమంత్రి శ్రీ రెవంత్ రెడ్డి పాలన కూడా ఇప్పుడు రాజకీయ నిఘా, అక్రమ అధికార వినియోగం, ప్రజల హక్కుల తొక్కివేత అనే ప్రమాదకర మార్గంలో సాగుతున్నదని విమర్శలు వెల్లువెత్తుతున్నాయి.
కేబినెట్పై నిఘా అంటే – ఇది రాజ్యాంగ ద్రోహమే!
ఇది సాధారణమైన రాజకీయ వ్యూహం కాదు. ఇది భారత రాజ్యాంగంపై లాఠీ దెబ్బ వలె. ఒక ముఖ్యమంత్రి తన మంత్రులపైనా నమ్మకం లేకుండా, వారి కాల్లు వినిపించేలా ఇంటెలిజెన్స్ విభాగాలను వాడుకోవడం అత్యంత బాధాకరమైన చర్య. ఇది భారత రాజ్యాంగంలోని ఆర్టికల్ 21 ప్రకారం కలిగిన వ్యక్తిగత గోప్యత హక్కుకు విఘాతం కలిగించడమే కాదు, అధికార వ్యవస్థను వ్యక్తిగత ప్రతీకారానికి వాడటం అనే అవమానకర ఉదాహరణ.
రాజ్యాంగ పరిరక్షణకు గవర్నర్ హస్తక్షేపం అవసరం
ఈ వ్యవహారాన్ని తక్కువగా తీసుకునే పరిస్థితి లేదు. ఇది పూర్తిస్థాయి రాజ్యాంగ సంక్షోభం. భారత రాజ్యాంగంలోని ఆర్టికల్ 159, 163(2), 356 ప్రకారంగా, గవర్నర్ రాష్ట్రంలో రాజ్యాంగ పరిరక్షణకు బాధ్యత వహించాల్సి ఉంటుంది. అందువల్ల, రాష్ట్ర ప్రభుత్వం పై స్వతంత్ర న్యాయ విచారణ కమిటీ – సుప్రీంకోర్టు లేదా హైకోర్టు రిటైర్డ్ న్యాయమూర్తి ఆధ్వర్యంలో – నియమించి, ఫోన్ ట్యాపింగ్, అక్రమ నిఘా, పోలీసు అధికారుల పాత్రపై సమగ్ర విచారణ జరపాలి.
పెగాసస్ తరహా దర్యాప్తు అవసరం
PUCL వర్సెస్ యూనియన్ ఆఫ్ ఇండియా (1997) తీర్పు ప్రకారం, ఫోన్ నిఘా వంటి చర్యలకు సరైన అనుమతులు అవసరం. కానీ ఇప్పుడు ఈ చర్యలు ఏ అధికారుల ఆమోదంతో జరిగాయి?
హోం కార్యదర్శి పాత్ర ఏంటి?
డీజీపీ, చీఫ్ సెక్రటరీ-level నుంచి ఎవరి ఆదేశాలపై ఈ దుర్మార్గాలు జరిగాయి?
ఈ ప్రశ్నలన్నింటిపై స్పష్టమైన విచారణ జరిపించి, నిజాలు ప్రజలముందు ఉంచాలి.
వాస్తవాలను దాచితే నేడు మంత్రులే… రేపు సాధారణ పౌరులే ఈ గూఢచారి వ్యవస్థ బలవుతారు.
విచారణలో తప్పిదాలు రుజువైతే, భారత న్యాయ సంహిత (BNS), టెలిగ్రాఫ్ చట్టం, ఐటీ చట్టం కింద బాధ్యులపై తగిన చర్యలు తీసుకోవాలి – ముఖ్యమంత్రితో సహా.
కేంద్రం స్పందించాలి –ప్రజాస్వామ్య పరిరక్షణే లక్ష్యం
ఈ ఉదంతంపై కేంద్ర హోంమంత్రి, పౌరహక్కుల శాఖ, ముఖ్యంగా శ్రీ కిషన్ రెడ్డి, శ్రీ బండి సంజయ్ లాంటి నేతలు గవర్నర్కు నివేదిక ఇచ్చి, ఈ విషయాన్ని కేంద్ర దృష్టికి తీసుకురావాలి. తెలంగాణ ప్రజల ప్రాథమిక హక్కులు, రాజ్యాంగ విలువలు, గోప్యత హక్కును పరిరక్షించేందుకు కేంద్రం తక్షణ చర్యలు తీసుకోవాలి.
ఇది ప్రజాస్వామ్యానికి పరీక్షా సమయం
ఇది కేవలం రాజకీయ కుట్రల మధ్య ఉన్నవారికి సంబంధించిన విషయం కాదు. ప్రతి పౌరుడి హక్కును హరించే ప్రమాదకర పరిణామం. ఇలాంటి చర్యలను తామసంగా చూస్తే, రేపటి ప్రజాస్వామ్యం మిగలదన్నది స్పష్టమైన నిజం. రాజ్యాంగం పై జరిగే దాడిని తట్టుకుని నిలబడేందుకు ప్రతి పౌరుడూ, ప్రతి రాజకీయ పార్టీ, ప్రతి సచేతన పత్రికా సంస్థ స్పందించాల్సిన సమయం ఇది.
బాధ్యులపై తక్షణ చర్య తీసుకోవాలి – ఇది గూఢచారి వ్యవస్థ కాదు, ప్రజాస్వామ్య వ్యవస్థగా మిగలాలని కోరుతూ..! ఎమ్మెల్సీ ప్రొఫెసర్ దాసోజు శ్రవణ్