మన్నేంపల్లిలో ‘తుపాకుల గూడెం’ సినిమా యూనిట్ సందడి
తిమ్మాపూర్, ఫిబ్రవరి 2 (విశ్వం న్యూస్) : కరీంనగర్ జిల్లా తిమ్మాపూర్ మండలం మన్నేంపల్లి గ్రామంలో గురువారం తుపాకుల గూడెం సినిమా హీరో, యూనిట్ సభ్యులు సందడి చేశారు. గ్రామానికి చేరుకున్న యూనిట్ సభ్యులు హీరో శ్రీకాంత్ రాథోడ్, హీరోయిన్ జైత్రి మకన, నటులు సురంజిత్, శివంరెడ్డిలకు మన్నేంపల్లి సర్పంచ్ మెడి అంజయ్య, ఉప సర్పంచ్ పొన్నం అనిల్ గౌడ్ లు ఘనంగా స్వాగతం పలికి సత్కరించారు. అనంతరం మెడి అంజయ్య, పొన్నం అనిల్ గౌడ్ లు మాట్లాడుతూ చిత్రం ప్రమోషన్ లో భాగంగా గ్రామానికి రావడం చాలా సంతోషమని, అలాగే ఈ సినిమా మంచి విజయం సాధించాలని కోరారు. చిత్ర నిర్మాణంలో టాలెంట్, ఆసక్తి ఉన్న యువతకి ప్రోత్సాహం అందిస్తామని చెప్పారు. అనంతరం సినిమా యూనిట్ సభ్యులని సన్మానించారు. అనంతరం ఈ కార్యక్రమాన్ని నిర్వహించిన ఉపసర్పంచ్ పొన్నం అనిల్ గౌడ్ కు చిత్రం యూనిట్ కృతజ్ఞతలు తెలియజేశారు.
ఈ కార్యక్రమంలో వార్డు సభ్యులు పార్నంది సంపత్, గుర్రం జగదీష్, రైతు బంధు అధ్యక్షులు నాంపల్లి శంకరయ్య, బూడిద వేణుకుమార్, రావుల శ్రీనివాస్, కొలిపక రజమోగిలి, దరిపెల్లి వేణు, గోల్లే సాయి, పైడిపల సంజయ్, గొల్ల గణేష్, తదితరులు పాల్గొన్నారు.