శంషాబాద్ : హోటల్లోకి దూసుకెళ్లిన బస్సు (Video)
శంషాబాద్ : హోటల్లోకి
దూసుకెళ్లిన బస్సు
విశ్వం న్యూస్/ హైదరాబాద్, సెప్టెంబర్ 14 : శంషాబాద్లో సోమవారం ఉదయం ప్రైవేటు ట్రావెల్స్ బస్సు అదుపుతప్పి హోటల్లోకి దూసుకెళ్లిన ఘటన తీవ్ర విషాదాన్ని నింపింది. ఈ ప్రమాదంలో హోటల్లో టీ తాగుతున్న ఓ వ్యక్తి అక్కడికక్కడే మృతి చెందగా, 50 మందికి పైగా గాయపడ్డారు. క్షతగాత్రుల్లో ఇద్దరి పరిస్థితి విషమంగా ఉన్నట్లు సమాచారం.
కంటైనర్ను తప్పించబోయి..: కిషన్గూడలోని సెవెన్హిల్స్ ప్రైవేటు ట్రావెల్స్కు చెందిన బస్సు సోమవారం ఉదయం వేగంగా వెళ్తుండగా ఎదురుగా వచ్చిన కంటైనర్ను తప్పించుకునే ప్రయత్నం చేసింది. ఈ క్రమంలో డ్రైవర్ బస్సుపై నియంత్రణ కోల్పోయాడు.
బాలాజీ భవన్లోకి దూసుకెళ్లి..: నియంత్రణ కోల్పోయిన బస్సు రోడ్డు పక్కనే ఉన్న బాలాజీ భవన్ హోటల్లోకి వేగంగా దూసుకెళ్లింది. ఆ సమయంలో హోటల్లో టీ తాగుతున్న వ్యక్తిని బస్సు ఢీకొట్టడంతో అతను అక్కడికక్కడే మృతి చెందాడు.
కరీంనగర్ వాసి మృతి : మృతుడిని కరీంనగర్కు చెందిన అజ్మల్గా పోలీసులు గుర్తించారు. ప్రమాదంలో 50 మందికి పైగా గాయపడగా, వారిని చికిత్స కోసం సమీపంలోని ఆసుపత్రులకు తరలించారు. గాయపడిన వారిలో ఇద్దరి పరిస్థితి విషమంగా ఉన్నట్లు తెలుస్తోంది.
మూడు కార్లు ధ్వంసం : ప్రమాద తీవ్రతకు హోటల్ ముందు పార్క్ చేసి ఉన్న మూడు కార్లు పూర్తిగా ధ్వంసమయ్యాయి. బస్సు హోటల్లోకి దూసుకెళ్లడంతో అక్కడ ఉన్నవారు తీవ్ర భయాందోళనకు గురయ్యారు. ఘటనపై పోలీసులు కేసు నమోదు చేసి దర్యాప్తు ప్రారంభించారు.