జాతీయస్థాయి క్రీడల్లో బంగారు పతకం సాధించిన కాంగ్రెస్ నేత పులి ఆంజనేయులు గౌడ్

జాతీయస్థాయి క్రీడల్లో బంగారు పతకం సాధించిన కాంగ్రెస్ నేత పులి ఆంజనేయులు గౌడ్

కరీంనగర్, ఫిబ్రవరి 6 (విశ్వం న్యూస్) : ఫిబ్రవరి 2వ తేదీన హైద్రాబాద్ ఎల్ బి ఇండోర్ స్టేడియంలో ప్రారంభమైన జాతీయస్థాయి క్రీడల్లో 18రాష్ట్రాల నుండి వచ్చిన క్రీడాకారుల జాతీయస్థాయి పవర్ లిఫ్టింగ్ ఛాంపియన్ షిప్ పోటీలో మాస్టర్ “1” 93 kgs విభాగం లో తెలంగాణ రాష్ట్రం తరుపున ప్రాతినిధ్యం వహించిన జిల్లా కాంగ్రెస్ బిసి సెల్ అధ్యక్షులు పులి ఆంజనేయులు గౌడ్ బంగారు పతకాన్ని గెలుచుకున్నారు. ఈ సందర్భంగా పులి ఆంజనేయులు గౌడ్ గారు తనకు బంగారు పతకం రావడం పట్ల హర్షం వ్యక్తం చేస్తూ తన వెన్నంటే ఉండి ప్రతిభను గుర్తించి ప్రోత్సహించిన కోచ్ మల్లేశం గారికి కృతజ్ఞతలు తెలియజేశారు. ఈ క్రీడల్లో పవర్ లిఫ్టింగ్ విభాగంలో తెలంగాణ రాష్ట్రం తరఫున ప్రాతినిధ్యం వహించడం గర్వంగా ఉందని నాకు సహాయ సహకారాలు అందించిన వారందరికీ రుణపడి ఉంటానని అన్నారు.
పులి ఆంజనేయులు గౌడ్ లిఫ్టింగ్ విభాగంలో బంగారు పతకం సాధించడం పట్ల కరీంనగర్ మాజీ పార్లమెంట్ సభ్యులు పొన్నం ప్రభాకర్ గారు జిల్లా కాంగ్రెస్ కమిటీ అధ్యక్షులు డాక్టర్.కవ్వంపల్లి సత్యనారాయణ గారి తో పాటు పలువురు నాయకులు అభినందించారు ఒలంపిక్స్ వరకు ఈ పరంపర కొనసాగాలని సూచించారు.