మీ ద‌య ఉంటే మ‌ళ్లీ
గెలుస్తా:మంత్రి కేటీఆర్
రాజ‌న్న సిరిసిల్ల, ఆగస్టు 8 (విశ్వం న్యూస్) : ఓట్ల కోసం నా జీవితంలో మందు పోయ‌లేదు.. పైస‌లు పంచ‌లేదు. వ‌చ్చే ఎన్నిక‌ల్లోనూ మందు పోయించ‌ను.. పైస‌లు పంచ‌ను. మీ ద‌య ఉంటే మ‌ళ్లీ గెలుస్తా.. లేక‌పోతే ఇంట్లో కూర్చుంటాను అని బీఆర్ఎస్ వ‌ర్కింగ్ ప్రెసిడెంట్, మంత్రి కేటీఆర్ కీల‌క వ్యాఖ్య‌లు చేశారు.
రాజ‌న్న సిరిసిల్ల సీఎం కేసీఆర్ పాల‌న సంక్షేమానికి స్వర్ణయుగంగా మారింది. అట్టడుగు వ‌ర్గాల పేద‌ల‌ను ఆర్థికంగా అభివృద్ధి చేయ‌డ‌మే ల‌క్ష్యం. శ‌తాబ్దాలుగా అత్యంత అట్టడుగున ఉన్నది ద‌ళితులు. ద‌ళితుల అభివృద్ధి కోసం రూ. 10 ల‌క్షల చొప్పున ఆర్థిక సాయం అందిస్తున్నాం. బీసీ, ఎంబీసీల్లోని 14 కుల‌వృత్తులు చేసుకునేవారికి రూ. ల‌క్ష సాయం అందిస్తున్నాం.
జిల్లా ప‌ర్యట‌న‌లో భాగంగా మంత్రి కేటీఆర్ వివిధ అభివృద్ధి కార్యక్రమాల‌కు ప్రారంభోత్సవాలు, శంకుస్థాప‌న‌లు చేశారు. వేములవాడ ఏరియా ద‌వాఖాన సమీపంలో గోశాల ఆవరణలో రూ.31 లక్షలతో ఏర్పాటు చేసిన బయోగ్యాస్ ప్లాంటును ప్రారంభించారు.