పదవ తరగతి ఫలితాల్లో సిద్దార్థ విజయ ప్రభంజనం

కరీంనగర్ బ్యూరో, మే 10 (విశ్వం న్యూస్) : ఎస్.ఎస్.సి. 2022-23 సిద్ధార్థ విద్యార్థుల ఫలితాల ప్రభంజనం కరీంనగర్ లోని స్థానిక మంకమ్మతోట, భగత్నగర్ లోని సిద్ధార్థ హైస్కూల్ ఎస్.ఎస్.సి. ఫలితాలలో విద్యార్థులు ప్రభంజనం సృష్టించారు. 11 మంది విద్యార్థులు 10 జిపిఎ, 14 మంది విద్యార్థులు 9.8 జిపిఎ , 21 మంది విద్యార్థులు 9.7 జిపిఎ, 125 మంది విద్యార్థులు 9.0 జిపిఎ, అంతకన్నా ఎక్కువ పాయింట్లు సాధించి పాఠశాల కీర్తిని మారుమ్రోగించి నలుదిశల చాటారు. ఈ విద్యాసంవత్సరం మొత్తం 238 మంది విద్యార్థులు హాజరుకాగా, 99% ఉత్తీర్ణతతో ప్రభంజనం సృష్టించారు.

ఈ సందర్భంగా పాఠశాల అకాడమిక్ డైరెక్టర్ దాసరి. శ్రీపాల్రెడ్డి పుష్పగుచ్ఛాలతో విద్యార్థులను అభినందించారు. ఆయన మాట్లాడుతూ అధిక సంఖ్యలో విద్యార్థులు ఉత్తమ ప్రతిభ కనబర్చినందుకు సంతోషాన్ని వ్యక్తపరుస్తూ, ఈ విజయానికి తోడ్పడిన ఉపాధ్యాయులకు, విద్యార్థులకు, తల్లిదండ్రులకు కృతజ్ఞతలు తెలియజేశారు. ఈ కార్యక్రమంలో పాఠశాల అకాడమిక్ డైరెక్టర్ దాసరి శ్రీపాల్రెడ్డి, విద్యార్థుల తల్లిదండ్రులు, ఉపాధ్యాయులు పాల్గొన్నారు.