గుంతల మయంగా రోడ్డు… ఇబ్బంది పడుతున్న బాటసారులు
గోవిందరావుపేట, జనవరి 22 (విశ్వం న్యూస్) : మండల పరిధిలోని పసర గ్రామపంచాయతీ రెడ్డి బజార్ కు చెందిన సిసి రోడ్డు పూర్తిగా గుంతల మయంగా మారింది దీంతో స్థానిక ప్రజలు రోడ్డుపై నడవాలంటేనే భయాందోళనకు గురవుతున్నారు. రాత్రి వేళల్లో స్థానికులు ప్రయాణించడం ఇబ్బందిగా మారింది ఈ రోడ్డు బాగు చేయాలని గత ఐదు సంవత్సరాలుగా స్థానిక ప్రజాప్రతినిధులకు నియోజకవర్గ జిల్లా ప్రజా ప్రతినిధులకు మొరపెట్టుకున్న పట్టించుకోవడంలేదని స్థానిక ప్రజలు ఆరోపిస్తున్నారు. ఎన్నికల ముందు వాడ వాడ తిరుగుతూ రోడ్లు వేయిస్తామని వాగ్దానం చేసిన నాయకులు నేడు ముఖం చాటేస్తున్నారని పలువురు అభిప్రాయపడుతున్నారు. ఇప్పటికైనా వెంటనే సిసి రోడ్డు నిర్మాణం చేపట్టి బాటసారులకు సరైన రోడ్డు సౌకర్యం కల్పించాలని స్థానిక ప్రజలు కోరుతున్నారు.
