హైదరాబాద్, జనవరి 4 (విశ్వం న్యూస్) : HMPV (Human Metapneumovirus) అనే కొత్త వైరస్ గురించి చైనా నుంచి వచ్చిన వార్తలు ప్రజలలో ఆందోళన కలిగిస్తున్నాయి. COVID-19తో పోలి ఉండే లక్షణాలు ఉన్న ఈ వైరస్ బాధితులతో ఆసుపత్రులు కిక్కిరిసిపోతున్నాయనడం వల్ల, తెలంగాణ ప్రభుత్వం ముందు జాగ్రత్త చర్యలు తీసుకోవడంలో ముందంజ వేసింది.
- ప్రజలకు తెలంగాణ ప్రభుత్వం జారీ చేసిన సూచనలు:
- తరచూ చేతులు శుభ్రపరుచుకోవడం: శానిటైజర్ లేదా సబ్బుతో చేతులను శుభ్రంగా కడగడం అవసరం.
- తుమ్ము లేదా దగ్గు వచ్చినప్పుడు జాగ్రత్తలు: కర్చీఫ్ లేదా టిస్యూ ఉపయోగించండి.
- పౌష్టికాహారం: ఆరోగ్యాన్ని కాపాడుకోవడానికి పౌష్టికాహారం తీసుకోవడం, నీరు ఎక్కువగా తాగడం ముఖ్యమైనవి.
- అనారోగ్యం ఉంటే ఇంట్లో ఉండడం: ఈ సమయంలో ఇతరులతో సంపర్కం తగ్గించుకోవడం మంచిది.
- బహిరంగ ప్రదేశాల్లో జాగ్రత్తలు: ఉమ్మివేయడం, ఇతరులతో కరచాలనం చేయడం వంటి పనులను తగ్గించుకోవాలి.
- వైద్యుల సలహా లేకుండా మెడిసిన్స్ తీసుకోరాదు: అవసరమైన చికిత్స కోసం వైద్యులను సంప్రదించడం మంచిది.
- వాడిన కర్చీఫ్లు, టిస్యూ పేపర్లు మళ్లీ వాడరాదు: ఉపయోగించిన వాటిని సరిగా పారవేయాలి.
- రాష్ట్ర వైద్యాధికారి బీ. రవీందర్ నాయక్ తెలిపిన ప్రకారం, రాష్ట్ర వైద్య శాఖ కేంద్ర ఆరోగ్య శాఖతో నిరంతరం సంప్రదింపులు కొనసాగిస్తోంది.
ఇలాంటి పరిస్థితుల్లో ప్రతి ఒక్కరూ వ్యక్తిగత పరిశుభ్రత పాటించడం, ప్రభుత్వ మార్గదర్శకాలను అనుసరించడం అత్యంత ముఖ్యమే.
