14 మంది ట్రాన్స్ జెండర్లకు ఐడి కార్డులు పంపిణీ
జిల్లా కలెక్టర్ డాక్టర్ ఎస్. సంగీత సత్యనారాయణ
పెద్దపల్లి, జనవరి 17 (విశ్వం న్యూస్) : జిల్లాలో ఉన్న అర్హులైన 14 మంది ట్రాన్స్ జెండర్ లకు సర్టిఫికెట్లు, ఐడి కార్డులను జిల్లా కలెక్టర్ డాక్టర్ ఎస్. సంగీత సత్యనారాయణ పంపిణీ చేశారు. మంగళవారం సమీకృత జిల్లా కలెక్టరేట్ లోని తన ఛాంబర్ లో జిల్లా కలెక్టర్ డాక్టర్ ఎస్. సంగీత సత్యనారాయణ అదనపు కలెక్టర్ వి.లక్ష్మినారాయణతో కలిసి 14 మంది ట్రాన్స్ జెండర్లకు సర్టిఫికెట్లను, ఐడి కార్డులను పంపిణీ చేశారు. జిల్లాలో గల ట్రాన్స్ జెండర్ కొరకు ఏర్పాటు చేసిన ‘నేషనల్ పోర్టల్ ఫర్ ట్రాన్స్ జెండర్స్ ” ద్వారా ఇప్పటివరకు 19 మంది దరఖాస్తు చేసుకొగా , వీరందరినీ సిడిపిఓలు, జిల్లా సంక్షేమ అధికారి ద్వారా పరిశీలించిన తర్వాత అర్హత కలిగిన 14 మందిని గుర్తించి సర్టిఫికెట్ లను, ఐడి కార్డులను పంపిణీ చేయడం జరిగింది. ఈ కార్యక్రమంలో జిల్లా సంక్షేమ శాఖ అధికారి రౌఫ్ ఖాన్, సంబంధిత అధికారులు, ట్రాన్స్ జెండర్లు, తదితరులు పాల్గొన్నారు.