రేవంత్ తీరు తెలంగాణ సమాజం క్షమించదు: దాసోజు శ్రవణ్
హైదరాబాద్, జూలై 19: ముఖ్యమంత్రి రేవంత్ రెడ్డి వ్యవహార శైలిపై బీఆర్ఎస్ ఎమ్మెల్సీ డాక్టర్ దాసోజు శ్రవణ్ తీవ్ర విమర్శలు చేశారు. మహాకవి అందశ్రీ స్మృతి వనం ప్రారంభోత్సవ వేదికను రాజకీయ విమర్శలకు ఉపయోగించారని ఆరోపించారు. కవులు, కళాకారుల పేర్లను రాజకీయ ప్రయోజనాల కోసం వినియోగించడం సరికాదని అన్నారు.
అందశ్రీ, గద్దర్ పేర్లను రాజకీయాలకు వాడొద్దు : అందశ్రీ, గద్దర్ వంటి మహనీయుల సేవలను గౌరవించాల్సిన వేదికపై రాజకీయ దూషణలు చేయడం బాధాకరమని శ్రవణ్ పేర్కొన్నారు. తెలంగాణ అస్తిత్వ గీతం “జయ జయహే తెలంగాణ”కు కేసీఆర్ ప్రభుత్వం ప్రత్యేక గౌరవం ఇచ్చిందని గుర్తు చేశారు.
ఉద్యోగాలు, అభివృద్ధిపై సవాల్ : రాష్ట్రంలో 70 వేల కొత్త ఉద్యోగాలు ఇచ్చామన్న ప్రభుత్వ వాదనను శ్రవణ్ ఖండించారు. గత ప్రభుత్వ హయాంలో ప్రారంభమైన నియామక ప్రక్రియల ఫలితాలను ప్రస్తుత ప్రభుత్వం తన ఖాతాలో వేసుకుంటోందని ఆరోపించారు. ఈ అంశంపై అశోక్నగర్ నిరుద్యోగ యువతతో బహిరంగ చర్చకు రావాలని ముఖ్యమంత్రికి సవాల్ విసిరారు.
పెట్టుబడులు, పరిశ్రమలపై ఆందోళన : టీఎస్-ఐపాస్ వ్యవస్థను ప్రస్తుత ప్రభుత్వం నిర్వీర్యం చేసిందని, అవినీతి కారణంగా పెట్టుబడిదారులు రాష్ట్రానికి రావడానికి వెనుకడుగు వేస్తున్నారని ఆరోపించారు. పరిశ్రమల పెట్టుబడులు, ఉపాధి అవకాశాలు తగ్గాయని అన్నారు.
ప్రభుత్వంపై చార్జ్షీట్లు వేస్తాం : ప్రభుత్వ శాఖల పనితీరుపై బీఆర్ఎస్ తరఫున చార్జ్షీట్లు విడుదల చేస్తామని శ్రవణ్ హెచ్చరించారు. ఎన్నికల హామీల అమలు, ప్రజా సమస్యల పరిష్కారంపై ప్రభుత్వం దృష్టి పెట్టాలని సూచించారు.
మంచి పాలనపై దృష్టి పెట్టాలి : రాజకీయ ప్రత్యర్థులను విమర్శించడం కంటే ప్రజలకు ఇచ్చిన హామీలను అమలు చేసి మంచి పాలన అందించాలని ముఖ్యమంత్రి రేవంత్ రెడ్డికి శ్రవణ్ సూచించారు. ప్రజా సంక్షేమం, అభివృద్ధిపైనే ప్రభుత్వం దృష్టి కేంద్రీకరించాలని అన్నారు.